وزیر دفاع خواجہ آصف نے کہا ہے کہ ایک ٹرائی اینگل بن گیا ہے جس میں پی ٹی آئی، بھارت اور افغانستان شامل ہیں۔ انہوں نے پی ٹی آئی پر تنقید کرتے ہوئے کہا کہ دہشت گردی کے خلاف اس کا کوئی مذمتی بیان نہیں دکھایا جا سکتا۔ خواجہ آصف نے بانی پی ٹی آئی کے سوشل میڈیا اکاؤنٹ پر بھارت سے کسی کے مواد چلانے کا بھی الزام عائد کیا۔ انہوں نے کہا کہ افغانستان میں دہشت گرد کیمپ موجود ہیں اور بھارت و افغانستان پاکستان کو غیر مستحکم کرنے کی کوشش کر رہے ہیں، تاہم اللہ کے فضل سے پاکستان اور افواج کی کامیابیاں جاری رہیں گی۔
