پاکستان نے یو اے ای کو 41 رنز سے شکست دے کر ایشیا کپ کے سپر فور مرحلے میں جگہ بنا لی۔
دبئی میں کھیلے گئے گروپ اے کے میچ میں پاکستان نے پہلے بیٹنگ کرتے ہوئے 9 وکٹوں پر 146 رنز بنائے۔ فخر زمان نے نصف سنچری اور شاہین شاہ آفریدی نے 29 رنز کی ناقابلِ شکست اننگز کھیلی۔
ہدف کے تعاقب میں یو اے ای کی ٹیم 18ویں اوور میں 105 رنز پر ڈھیر ہوگئی۔ پاکستان کی جانب سے شاہین شاہ، حارث رؤف اور ابرار احمد نے 2، 2 وکٹیں حاصل کیں۔
ایشیا کپ کے سپر فور میں بھارت اور پاکستان نے کوالیفائی کر لیا جبکہ عمان اور یو اے ای ایونٹ سے باہر ہوگئے۔
