مانچسٹر (شمالی انگلینڈ) میں ایک عبادت گاہ پر حملے کے نتیجے میں 2 افراد ہلاک اور 3 شدید زخمی ہو گئے، جب کہ فائرنگ کے شبہے میں ملوث ایک شخص بھی مارا گیا۔
پولیس کے مطابق جائے وقوعہ پر مشتبہ شخص کے جسم پر بعض اشیاء موجود ہونے کی وجہ سے حفاظتی خدشات پائے جا رہے ہیں، اس لیے فوری طور پر اس کی موت کی تصدیق نہیں کی جا سکتی۔ بم ڈسپوزل یونٹ کو طلب کر لیا گیا ہے جو اب جائے وقوعہ پر موجود ہے۔
پولیس نے بتایا کہ واقعے کی مزید تحقیقات جاری ہیں، اور علاقے کو سیل کر کے شہریوں کو دور رہنے کی ہدایت دی گئی ہے۔
