جماعت اسلامی نے میئر کراچی کے خلاف توہینِ عدالت کی کارروائی کے لیے فوری سماعت کی درخواست سندھ ہائیکورٹ میں دائر کر دی۔
درخواست میں مؤقف اختیار کیا گیا ہے کہ عدالت نے پبلک پرائیویٹ پارٹنرشپ کے معاہدوں کو غیرقانونی قرار دیا تھا، لیکن مرتضیٰ وہاب نے عدالتی حکم کے باوجود پارکوں میں کمرشل سرگرمیاں جاری رکھی ہوئی ہیں۔
جماعت اسلامی نے مؤقف اپنایا کہ میئر کراچی نے رفاہی پلاٹوں کو اب تک واگزار نہیں کرایا، اس لیے وہ عدالتی فیصلے پر عمل نہ کرنے کے باعث توہینِ عدالت کے مرتکب ہوئے ہیں۔
درخواست میں استدعا کی گئی ہے کہ میئر کراچی کے خلاف دائر توہینِ عدالت کیس کی جلد سماعت کی جائے۔
