پاکستان ریلوے نے لگژری سیلون کے کرایوں میں نمایاں کمی کر دی ہے۔ کراچی سے راولپنڈی کا کرایہ 1 لاکھ 72 ہزار، کراچی سے لاہور 1 لاکھ 50 ہزار اور لاہور سے راولپنڈی 44 ہزار روپے مقرر کیا گیا ہے۔ اجلاس میں ریلوے پولیس کی کارکردگی کا جائزہ لیا گیا، جہاں بتایا گیا کہ بغیر ٹکٹ سفر کے خلاف کارروائیاں مزید سخت کر دی گئی ہیں۔ چوری، اسمگلنگ اور تجاوزات کے خلاف بھی مؤثر اقدامات جاری ہیں اور ریلوے کی زمین واگزار کرائی جا رہی ہے۔
