عالمی تنظیم سکھ فار جسٹس نے بھارتی وزیر دفاع کے سندھ سے متعلق بیان کے بعد سکھ رضاکاروں کی پاک فوج میں بھرتی کا مطالبہ کیا ہے۔
رہنما گرپتونت سنگھ پنوں نے کہا کہ دنیا بھر کے سکھ پاکستان کے دفاع میں حصہ لینے کے لیے تیار ہیں اور خصوصی سکھ دفاعی یونٹ کی تشکیل کی جا سکتی ہے۔ ان کا کہنا تھا کہ کوئی بھی سکھ بھارتی حکومت کے تسلط پسندانہ اقدامات میں حصہ نہیں لے گا اور اقوام متحدہ کے قوانین کے تحت ضمیر کی بنیاد پر جنگ سے انکار ممکن ہے۔
