فوربز کی رپورٹ کے مطابق ستھرا پنجاب پروگرام دنیا کا سب سے بڑا مربوط کچرا اٹھانے والا نظام بن گیا ہے۔ رپورٹ میں بتایا گیا کہ پنجاب حکومت نے صرف 8 مہینوں میں صوبے میں کچرے کے مسائل کا بہترین حل پیش کیا۔
منصوبے کے تحت روزانہ 50,000 ٹن کچرا جمع کیا جاتا ہے، سڑکیں صاف ہیں اور آلودگی میں نمایاں کمی آئی ہے۔ اس پروگرام کی وجہ سے ایک لاکھ سے زیادہ ملازمتیں پیدا ہوئیں اور لاکھوں افراد کو پہلی بار باقاعدہ کچرا اٹھانے کی سہولت ملی۔
رپورٹ کے مطابق ستھرا پنجاب پروگرام کی وجہ سے ایک لاکھ سے زیادہ ملازمتیں پیدا کی گئیں، لاکھوں افراد کو پہلی بار باقاعدہ کچرا اٹھانے کی سروس ملی، اس منصوبے کو کوپ 30 میں بھی عالمی سطح پر پیش کیا گیا جہاں پروگرام کو ”انٹیگریٹڈ ویسٹ اینڈ کلائمیٹ ایکشن “ ماڈل قرار دیا گیا۔
