ایشیا کپ کے آغاز سے پہلے سری لنکا کے کپتان چارتھ اسالنکا اور افغانستان کے کپتان راشد خان نے مسلسل میچز اور سفر کے سخت شیڈول پر تشویش کا اظہار کیا ہے۔
اسالنکا نے کہا کہ زمبابوے میں دو دن میں دو میچز کھیلنے کے بعد براہ راست دبئی پہنچنا کھلاڑیوں پر دباؤ بڑھاتا ہے۔ پے در پے میچز کھیل کر فوراً سفر کرنا بہت مشکل ہے، اور کھلاڑیوں کو کم از کم دو دن کا آرام ملنا چاہیے۔
راشد خان نے بھی تسلیم کیا کہ شیڈول مثالی نہیں ہے، لیکن ان کا کہنا تھا کہ شکایت کرنے کے بجائے کھلاڑیوں کی توجہ کارکردگی پر ہونی چاہیے۔ انہوں نے کہا کہ اگر ہم سفر یا گرمی کی شکایت کریں تو کھیل پر اثر پڑ سکتا ہے، اور ایک پروفیشنل کرکٹر کو ہر حال میں 100 فیصد دینا ہوتا ہے۔
سری لنکا کو اپنے پہلے میچ سے قبل چار دن کا وقفہ ملا ہے، جبکہ افغانستان صرف 48 گھنٹے بعد ہانگ کانگ کے خلاف میدان میں اتر چکی تھی۔ گرمی اور تھکن کے اس ماحول میں کھلاڑیوں کی تازگی ٹورنامنٹ کے نتائج پر اہم اثر ڈال سکتی ہے۔
