چیف جسٹس لاہور ہائیکورٹ عالیہ نیلم نے ماتحت ججز کو عدالتی پالیسی کے فیصلوں پر سختی سے عمل درآمد کی ہدایت دی ہے اور کہا کہ بروقت انصاف عوام کا بنیادی حق ہے۔
مراسلے میں مقدمات کے لیے ٹائم لائنز مقرر کی گئی ہیں: زمین کے تنازعات 24 ماہ، وراثتی 12 ماہ، حکم امتناعی 6 ماہ، ریکوری سوٹ 12 ماہ، کرائے اور فیملی سوٹ 2-6 ماہ، قتل کے مقدمات 24 ماہ، اور نوعمر مجرموں کے ٹرائل 6 ماہ میں مکمل ہوں گے۔
چیف جسٹس نے کہا کہ تمام ججز ٹائم لائنز ہر صورت فالو کریں تاکہ عوام کو جلد انصاف فراہم کیا جا سکے اور تاخیر سے ذہنی و مالی اذیت نہ ہو۔
