ایشیا کپ میں شاندار کارکردگی کے بعد قومی اسپنر ابرار احمد آئی سی سی ٹی20 بولنگ رینکنگ میں ٹاپ پوزیشن کے قریب پہنچ گئے۔
سری لنکا کے خلاف میچ میں ابرار احمد نے چار اوورز میں صرف آٹھ رنز دیے اور ایک وکٹ حاصل کی، جس کی بدولت وہ 12 درجے ترقی پا کر رینکنگ میں چوتھی پوزیشن پر آگئے۔
دیگر پاکستانی بولرز میں شاہین آفریدی دو درجے ترقی کے بعد پچیسویں نمبر پر پہنچ گئے، جبکہ حارث رؤف نے نو درجے ترقی کے ساتھ اٹھائیسویں پوزیشن حاصل کی۔
دوسری جانب، سفیان مقیم تین درجے تنزلی کے بعد چودہویں نمبر پر چلے گئے۔
