قومی کرکٹ ٹیم کے فاسٹ بولر شاہین شاہ آفریدی ٹی20 انٹرنیشنل کرکٹ میں پاکستان کے دوسرے کامیاب ترین بولر بن گئے ہیں۔
گزشتہ روز شیخ زید کرکٹ اسٹیڈیم میں سری لنکا کے خلاف ایشیا کپ میچ میں انہوں نے شاندار بولنگ کرتے ہوئے تین کھلاڑیوں کو پویلین بھیجا۔ اس کارکردگی کے بعد شاہین آفریدی کی وکٹوں کی تعداد 114 ہوگئی جو انہوں نے صرف 90 اننگز میں حاصل کی ہیں۔
اس سے قبل یہ اعزاز اسپنر شاداب خان کے پاس تھا، جنہوں نے 104 اننگز میں 112 وکٹیں حاصل کر رکھی ہیں۔
ٹی20 فارمیٹ میں پاکستان کے کامیاب ترین بولر حارث رؤف ہیں، جنہوں نے 90 اننگز میں 130 وکٹیں لے رکھی ہیں اور وہ مجموعی طور پر آسٹریلیا کے ایڈم زیمپا کے ساتھ مشترکہ طور پر آٹھویں نمبر پر موجود ہیں۔
