فلسطینی صدر محمود عباس نے اقوام متحدہ سے ویڈیو لنک خطاب میں کہا ہے کہ اسرائیلی بربریت پر عالمی خاموشی انصاف کے منہ پر طمانچہ ہے اور فوری مداخلت کی ضرورت ہے۔
محمود عباس نے غزہ میں جاری مظالم کو بے نقاب کرتے ہوئے کہا کہ اسرائیلی قبضہ عالمی قوانین کی خلاف ورزی ہے اور نسل کشی ہو رہی ہے، جبکہ اقوام متحدہ اپنی قراردادوں پر عمل میں ناکام رہی ہے۔
انہوں نے زور دیا کہ اسرائیل کو جوابدہ بنایا جائے اور خطے میں پائیدار امن کے لیے دو ریاستی حل ضروری ہے، فلسطینی عوام پر مظالم روکنے کے لیے عالمی اقدام فوری طور پر ضروری ہے۔
فلسطینی صدر نے کہا کہ فلسطینی قوم انصاف، آزادی اور خودمختاری کا حق مانگتی ہے، غزہ میں مساجد، ہسپتالوں اور پناہ گزینوں کے کیمپوں کو نشانہ بنایا جا رہا ہے اور یہ جارحیت نہیں بلکہ نسل کشی ہے۔
