ایران کے اعلیٰ سفارت کار عباس عراقچی نے کہا ہے کہ اقوام متحدہ کے جوہری نگران ادارے کے ساتھ تعاون کا اب کوئی تعلق نہیں رہا۔ انہوں نے واضح کیا کہ قاہرہ معاہدہ غیر مؤثر ہو چکا ہے۔
عباس عراقچی نے تہران میں غیر ملکی سفارتکاروں سے ملاقات کے دوران کہا کہ برطانیہ، فرانس اور جرمنی نے ایران کے خلاف اقوام متحدہ کی پابندیوں کی حمایت کر کے اپنا کردار محدود کر لیا ہے۔
ایرانی وزیر خارجہ کا کہنا تھا کہ مستقبل کی جوہری سفارت کاری میں یورپی طاقتوں کا کردار ماضی کے مقابلے میں بہت چھوٹا ہوگا، تاہم انہوں نے یہ بھی کہا کہ سفارت کاری کی گنجائش ابھی موجود ہے۔
ایران نے امریکا اور اسرائیل کے حملوں کے بعد تعاون معطل کر دیا تھا جبکہ قاہرہ معاہدہ تعاون بحال کرنے کے لیے طے پایا تھا۔
