سعودی عرب کے علاقے بیشہ خمیس مشیط روڈ پر خوفناک ٹریفک حادثے نے شہر کو سوگوار کردیا۔
عرب میڈیا کے مطابق پانچ طالبات یونیورسٹی جانے کے لیے گاڑی میں سوار تھیں جب سامنے سے آنے والی ایک گاڑی سے ٹکر ہوگئی۔ تصادم اتنا شدید تھا کہ گاڑی کے پرخچے اُڑ گئے۔
حادثے میں چار طالبات موقع پر جاں بحق ہوگئیں جبکہ ایک طالبہ شدید زخمی ہوئی، جسے قریبی اسپتال منتقل کیا گیا جہاں اس کی حالت نازک بتائی جا رہی ہے۔
حادثے کی اطلاع پر یونیورسٹی بند کردی گئی اور جاں بحق طالبات کے لیے دعاؤں کا اہتمام کیا گیا۔ پولیس نے حادثے کی تحقیقات شروع کر دی ہیں جبکہ تاحال وجہ سامنے نہیں آسکی۔
