وزیراعلیٰ بلوچستان میر سرفراز بگٹی نے سنجاوی کے دورے میں کہا کہ عوام کے اعتماد پر پورا اترنے کی پوری کوشش کریں گے اور کوئی ایسا وعدہ نہیں کریں گے جو پورا نہ ہو۔ انہوں نے علاقے کے لیے صحت، تعلیم، سیکیورٹی اور انفراسٹرکچر کے کئی اہم منصوبوں کا اعلان کیا، جن میں تحصیل ہیڈکوارٹر اسپتال کو 20 بستروں پر مشتمل مثالی ادارہ بنانا، بوائز اور گرلز کالجز کے لیے نئی عمارتیں، طلبہ کے لیے بسوں کی فراہمی، چار نئے پولیس اسٹیشنز، بائی پاس اور 15 کلومیٹر نئی سڑک کی تعمیر شامل ہیں۔
وزیراعلیٰ نے تعلیم میں میرٹ کی یقین دہانی کرائی اور لیویز کو پولیس میں ضم کرنے کے فیصلے کو دیرپا امن کے لیے ضروری قرار دیا۔ عوام نے ان کے اعلانات پر بھرپور حمایت کا اظہار کیا۔
