اسرائیل کے وزیر برائے تارکین وطن نے نیویارک کے نومنتخب میئر ظہران ممدانی کو فلسطینی تنظیم حماس کا حامی قرار دیا۔ انہوں نے کہا کہ نیویارک، جو کبھی عالمی آزادی کی علامت تھا، اب ایک حماس حامی کے حوالے ہو گیا ہے۔
اسرائیلی وزیر نے ممدانی کے خیالات کا موازنہ نائن الیون میں شہریوں کے قتل کرنے والے انتہا پسندوں سے کیا اور خبردار کیا کہ یہ شہر یہودی برادری کے لیے خطرناک رخ اختیار کر رہا ہے۔
دوسری جانب، نیو یارک کے میئر الیکشن میں کچھ قدامت پسند یہودیوں نے ظہران ممدانی کی حمایت کا اعلان کیا اور صیہونیت کے خلاف احتجاج کیا۔
ظہران ممدانی 34 سال کے ہیں اور نیویارک کے سب سے کم عمر اور پہلے مسلمان میئر بنے ہیں۔ وہ پہلے بھی فلسطینیوں کے حق میں آواز بلند کر چکے ہیں اور اسرائیل کی پالیسیوں کے ناقد سمجھے جاتے ہیں۔
