امریکی صدر ڈونلڈ ٹرمپ نے اعلان کیا ہے کہ امریکا کو ٹیرف سے حاصل ہونے والی آمدن میں سے زیادہ تر شہریوں کو کم از کم 2 ہزار ڈالر بطور ڈیویڈنڈ ادا کیے جائیں گے۔
صدر ٹرمپ نے اپنی سوشل میڈیا پوسٹ میں واضح کیا کہ یہ رقم زیادہ آمدن والے امریکیوں کے لیے نہیں ہوگی۔ انہوں نے کہا کہ امریکا کھربوں ڈالر حاصل کر رہا ہے اور جلد 37 کھرب ڈالر کے قومی قرضے کی ادائیگی شروع کرے گا۔
غیر ملکی میڈیا کے مطابق امریکی سپریم کورٹ اس وقت ٹرمپ کی جانب سے نافذ کردہ تجارتی ٹیرف کے قانونی جواز کا جائزہ لے رہی ہے، جبکہ ماتحت عدالتوں نے پہلے ہی کئی محصولات کو غیر قانونی قرار دیا تھا۔
قبل ازیں اکتوبر میں ٹرمپ نے عوام کے لیے 1 سے 2 ہزار ڈالر کی تقسیم کی تجویز پیش کی تھی اور کہا تھا کہ ان محصولات سے امریکا کو سالانہ ایک کھرب ڈالر سے زائد آمدنی حاصل ہو سکتی ہے۔
