نارتھ کیرولائنا کی باربرا منفرڈ نے چھ سال تک ایک ہی لاٹری نمبر کھیلنے کے بعد آخرکار ایک لاکھ 54 ہزار 168 ڈالر جیت لیے۔
انہوں نے ’کیش 5‘ لاٹری کے لیے اپنی بہن کے مشورے پر مخصوص نمبرز کا انتخاب کیا اور ہر ڈرا میں انہیں استعمال کرتی رہیں۔ قسمت نے اس بار ان کا ساتھ دیا اور جیتنے والے نمبر سے ان کا ٹکٹ جیک پاٹ کا حق دار ٹھہرا۔
باربرا نے بتایا کہ جیت کی خبر سن کر وہ خوشی سے رو پڑیں اور سب سے پہلے اپنی جیت کی رقم سے بلز ادا کرنے کا فیصلہ کیا ہے۔
