پاکستان کرکٹ بورڈ کی سکیورٹی یقین دہانی کے بعد سری لنکن کرکٹ ٹیم نے پاکستان کا دورہ جاری رکھنے کا فیصلہ کیا ہے۔
قبل ازیں ٹیم کے کھلاڑی دورہ ادھورا چھوڑنے کی خواہش ظاہر کر چکے تھے، تاہم پی سی بی نے ون ڈے سیریز اور سہ ملکی ٹرائی سیریز کے تحفظ کے لیے حفاظتی انتظامات بڑھانے کی یقین دہانی کروائی۔
سری لنکن کرکٹ بورڈ نے کہا کہ اگر کوئی کھلاڑی دورہ جاری نہ رکھنا چاہے تو متبادل انتظام کیا جائے گا، جبکہ چیئرمین پی سی بی محسن نقوی نے ٹیم اور عملے کی حفاظت کی ضمانت دی۔
پاکستان اور سری لنکا کے درمیان دوسرا ون ڈے کل راولپنڈی میں شیڈول ہے، اور اس کے بعد سہ ملکی سیریز بھی کھیلی جائے گی۔
