لاہور: لاہور ہائیکورٹ نے جوئے کی ایپلیکیشنز کی تشہیر سے متعلق مقدمے میں یوٹیوبر سعد الرحمان المعروف ڈکی بھائی کی درخواستِ ضمانت منظور کر لی ہے۔
جسٹس شہرام سرور چوہدری نے درخواست پر سماعت کرتے ہوئے 10 لاکھ روپے کے مچلکوں کے عوض ضمانت منظور کی۔ دورانِ سماعت فاضل جج نے ریمارکس دیے کہ سپریم کورٹ کے فیصلے کے مطابق اس نوعیت کے مقدمات میں ضمانت نہ ہونا غیر معمولی بات ہے۔
عدالت نے مقدمے کے فریقین کے وکلاء کو آئندہ سماعت پر دلائل کے لیے طلب کر رکھا ہے۔
واضح رہے کہ یوٹیوبر ڈکی بھائی نے ضمانت کے لیے لاہور ہائیکورٹ سے رجوع کیا تھا۔
