یوکرین کے صدر ولودیمیر زیلنسکی کے بااعتماد چیف آف اسٹاف اینڈری یرماک نے اپنے گھر پر اینٹی کرپشن پولیس کے چھاپے کے بعد استعفیٰ دے دیا۔ یرماک 2019 سے زیلنسکی کے قریبی ساتھی اور ملک کی بااثر ترین شخصیات میں شامل تھے۔
چھاپہ یوکرین کے بڑے مالیاتی کرپشن کیس کے سلسلے میں مارا گیا، جس کی تفصیلات خفیہ ہیں۔ اسی کیس میں سرکاری جوہری توانائی کمپنی میں 100 ملین ڈالر کے کک بیک اسکینڈل کی تحقیقات بھی جاری ہیں، جبکہ دو وزرا پہلے ہی استعفیٰ دے چکے ہیں۔ مرکزی ملزم تیمور میندچ ملک سے فرار ہے۔
یرماک نے کہا کہ وہ تفتیش میں مکمل تعاون کر رہے ہیں۔ زیلنسکی نے اعلان کیا ہے کہ صدر دفتر کی نئی تنظیم نو کے بعد جلد نئے چیف آف اسٹاف کا اعلان کیا جائے گا۔
