سرگودھا کے علاقے قصبہ مٹھہ لک میں شادی کا جھانسہ دے کر دلہا کو لوٹنے کا انوکھا واقعہ پیش آیا ہے۔
پولیس کے مطابق متاثرہ شخص کا کہنا ہے کہ اس کا نکاح کروایا گیا، مٹھائی تقسیم کی گئی اور بعد ازاں اسے نشہ آور مٹھائی کھلا دی گئی، جس کے باعث وہ بے ہوش ہو گیا۔ ہوش میں آنے پر دلہن، اس کا مبینہ بھائی اور رشتہ کروانے والی خاتون موقع سے فرار ہو چکے تھے۔
دلہا کے مطابق اس نے شادی کرانے کے عوض ایک لاکھ 50 ہزار روپے جبکہ نکاح کے لیے 20 ہزار روپے ادا کیے تھے۔
پولیس کا کہنا ہے کہ دلہن، اس کے مبینہ بھائی عمر حیات اور رشتہ کروانے والی خاتون شاہدہ پروین کے خلاف مقدمہ درج کر لیا گیا ہے۔ واقعے کی تحقیقات جاری ہیں اور فراڈیوں کے گروہ کو جلد گرفتار کر لیا جائے گا۔
