چیئرمین پاکستان علما کونسل حافظ طاہر اشرفی نے کہا ہے کہ اگر افغانستان نے دہشت گرد عناصر کے خلاف مؤثر کارروائی نہ کی تو اس کے نتائج مختلف ہو سکتے ہیں۔
اسلام آباد میں پریس کانفرنس کرتے ہوئے حافظ طاہر اشرفی نے کہا کہ سانحہ ترلائی کے خودکش حملہ آور نے افغانستان میں تربیت حاصل کی۔ انہوں نے سوال کیا کہ کیا افغانستان کے عوام پاکستان کی 40 سالہ مہمان نوازی کو فراموش کر چکے ہیں؟
حافظ طاہر اشرفی کا کہنا تھا کہ پوری قوم افواجِ پاکستان کے ساتھ کھڑی ہے۔ انہوں نے کہا کہ معرکۂ حق میں پاکستانی افواج نے بھارت کو عبرتناک شکست دی، اور اب بھارت اپنی ناکامی کا بدلہ معصوم لوگوں کو نشانہ بنا کر لے رہا ہے۔
انہوں نے زور دیا کہ دہشت گردی کے خلاف قومی یکجہتی اور مؤثر اقدامات ناگزیر ہیں۔
