خیبرپختونخوا کے ضلع شمالی وزیرستان کے علاقے میران شاہ میں ایک چیک پوسٹ کے قریب خودکش حملہ ہوا ہے جس کے نتیجے میں متعدد افراد زخمی ہو گئے۔
ابتدائی اطلاعات کے مطابق میران شاہ مین روڈ پر واقع چشمہ سربندکی چیک پوسٹ پر خودکش دھماکے کے باعث کم از کم 14 عام شہری زخمی ہوئے ہیں، جن میں سے 4 کی حالت تشویشناک بتائی جا رہی ہے۔
میڈیکل سپرنٹنڈنٹ ڈاکٹر آصف اقبال کے مطابق ابتدائی طور پر کسی ہلاکت کی اطلاع موصول نہیں ہوئی، تاہم مزید زخمیوں کو اسپتال منتقل کیا جا رہا ہے۔
واقعے کے بعد سیکیورٹی فورسز نے علاقے کو گھیرے میں لے لیا جبکہ امدادی ٹیمیں زخمیوں کو طبی امداد فراہم کر رہی ہیں۔
نوٹ: یہ ابتدائی خبر ہے جسے مزید معلومات موصول ہونے پر اپ ڈیٹ کیا جائے گا۔
