اسلام اآباد (طلوع نیوز)امریکی ڈالر کے مقابلے میں پاکستانی روپیہ گزشتہ 7 سالوں سے دبا کا شکار ہے۔گزشتہ چند مہینوں میں کچھ بحالی کے باوجود رواں سال پاکستانی روپیہ امریکی ڈالر کے مقابلے میں 20 فیصد گر گیا ہے۔ویب سائٹ پرو پاکستانی کے مطابق ٹاپ لائن سیکیورٹیز نے ایک رپورٹ میں کہا کہ 2023 میں یہ 20 فیصد کمی گزشتہ 5 سال کی اوسط 13 فیصد سالانہ اور 10 سالہ اوسط 8 فیصد سے زیادہ ہے۔پاکستان کی بیرونی ادائیگی کے خطرے اور دیگر عوامل پر غور کرتے ہوئے بروکریج ہاس نے اپنی رپورٹ میں کہا کہ انٹربینک مارکیٹ میں امریکی ڈالر کی قیمت جون 2024 تک 310 روپے اور دسمبر 2024 تک 325روپے تک پہنچ سکتی ہے۔بیرونی مالیاتی فرق، چیلنجنگ عالمی مالیاتی منڈیوں اور مقامی سیاسی عدم استحکام نے زرمبادلہ کے ذخائر کو بری طرح متاثر کیا ہے اور پاکستانی روپیہ پر دبا بڑھایا ہے۔
