سابق وفاقی وزیر فواد چوہدری نے قومی ٹی ٹوئنٹی اسکواڈ میں بابر اعظم اور محمد رضوان کی غیر موجودگی پر تنقید کرتے ہوئے کہا ہے کہ ان دونوں کے بغیر پاکستان ٹیم انٹرنیشنل ٹورنامنٹس کے لیے تیار نہیں ہے۔
یہ بیان ایسے موقع پر سامنے آیا ہے جب ایشیا کپ 2025 کے پاک بھارت میچ میں قومی بیٹنگ لائن لڑکھڑا گئی اور پاکستان نے مقررہ اوورز میں 9 وکٹوں کے نقصان پر صرف 127 رنز بنائے۔
دبئی میں کھیلے جانے والے اس ہائی وولٹیج میچ میں پاکستان نے ٹاس جیت کر پہلے بیٹنگ کا فیصلہ کیا تھا تاہم ٹاپ آرڈر مکمل طور پر ناکام رہا اور بھارت کو جیت کے لیے 128 رنز کا ہدف ملا۔
