میکسیکو سٹی: میکسیکو کی ریاست یوکاٹن میں ایک خوفناک ٹریفک حادثے کے نتیجے میں 15 افراد جاں بحق ہوگئے۔
غیر ملکی میڈیا کے مطابق حادثہ میریڈا اور کیمپ چے کے درمیان ہائی وے پر اس وقت پیش آیا جب ایک ٹریلر، کار اور ٹیکسی آپس میں ٹکرا گئیں۔ تصادم کے بعد گاڑیوں میں آگ بھڑک اٹھی جس نے دیکھتے ہی دیکھتے سب کچھ لپیٹ میں لے لیا۔
ریاست یوکاٹن کے گورنر نے حادثے پر گہرے دکھ اور افسوس کا اظہار کیا اور کہا کہ حکومت جاں بحق افراد کے اہل خانہ کے ساتھ کھڑی ہے اور ان کی ہر ممکن مدد کرے گی۔ حکام نے واقعے کی تحقیقات شروع کردی ہیں۔
