کراچی میں حکومتِ سندھ نے سرکاری نمبر پلیٹ کے غلط استعمال پر معطل کیے گئے ڈاکٹر آغا عامر کو دوبارہ سندھ گورنمنٹ اسپتال سعود آباد کا ایم ایس تعینات کردیا۔
ڈاکٹر آغا عامر پر الزام تھا کہ انہوں نے اسپتال کی سرکاری کار کی نمبر پلیٹ اتار کر اپنے دوست اور اسپتال کے ٹھیکیدار کی پرائیویٹ گاڑی پر لگائی، جسے ٹول پلازہ پر بغیر ٹول دیے استعمال کیا گیا۔ اس واقعے کے بعد 23 جولائی کو چیف سیکریٹری سندھ نے انہیں معطل کردیا تھا۔
تاہم اب سندھ حکومت نے انہیں بحال کرکے دوبارہ ایم ایس کے عہدے پر تعینات کردیا ہے۔
