وفاقی حکومت نے کوٹے کے مطابق پیٹرول الاٹ کرنے کا فیصلہ کیا ہے اور اس مقصد کے لیے پیٹرولیم مصنوعات کی راشن بندی کا ڈیجیٹل نظام متعارف کرانے کی تیاری شروع کر دی گئی ہے۔
ذرائع کے مطابق حکومت اس سلسلے میں ایک موبائل ایپ تیار کر رہی ہے، جسے صارفین ڈاؤن لوڈ کر سکیں گے۔
ایپ کے ذریعے ہر شہری کو اپنی گاڑی کا نمبر اور شناختی کارڈ نمبر درج کر کے خود کو رجسٹر کرنا ہوگا، جس کے بعد اسے پیٹرول کے حصول کے لیے مخصوص کوٹہ دیا جائے گا۔
ذرائع کا کہنا ہے کہ حکومت ہر شہری کا پیٹرولیم کوٹہ اس کی ضرورت اور دستیابی کے مطابق مقرر کرے گی، تاکہ ملک میں پیٹرول کے استعمال کو منظم کیا جا سکے۔
