لندن: سوشل میڈیا پر منفرد اور مضحکہ خیز گائیکی سے شہرت پانے والے گلوکار چاہت فتح علی خان پر برطانیہ کے دارالحکومت لندن میں نامعلوم نوجوانوں نے انڈوں سے حملہ کر دیا۔
سوشل میڈیا پر وائرل ہونے والی ویڈیوز میں دیکھا جا سکتا ہے کہ چاہت فتح علی خان سڑک کنارے اپنی پروموشنل ویڈیو ریکارڈ کروا رہے تھے کہ اچانک دو نوجوان سبک رفتاری سے قریب آئے اور ان پر انڈے برسا کر فوری طور پر فرار ہوگئے۔
ویڈیو میں واضح ہے کہ ایک انڈا ان کے سر پر جبکہ دوسرا سینے پر لگا، جس کے باعث ان کا چہرہ اور کپڑے خراب ہوگئے۔ اس اچانک صورتحال پر گلوکار حیران اور پریشان نظر آئے۔
تاحال یہ واضح نہیں ہو سکا کہ حملہ آور کون تھے اور واقعے کی وجوہات کیا تھیں۔ پولیس کی جانب سے بھی اس واقعے پر کوئی باضابطہ بیان جاری نہیں کیا گیا۔
