میانمار کی ریاست راکھائن میں اسکول پر فضائی حملے میں 15 سے 21 سال کے 19 طلبا جاں بحق اور 22 زخمی ہوگئے۔ مقامی باغی گروپ اراکان آرمی نے الزام عائد کیا کہ فوج نے کیوکتاؤ ٹاؤن شپ میں نجی اسکولوں پر 500 پاؤنڈ وزنی بم گرایا۔
یونیسیف نے اس حملے کی شدید مذمت کرتے ہوئے کہا کہ اس کا خمیازہ بچوں اور خاندانوں کو بھگتنا پڑا ہے۔ یاد رہے کہ 2021 کی فوجی بغاوت کے بعد فوج اور اراکان آرمی کے درمیان جھڑپیں مسلسل جاری ہیں۔
