دبئی میں کھیلے جا رہے ایشیا کپ کے چھٹے میچ میں پاکستان کی بیٹنگ لائن بھارتی بولنگ کے سامنے ڈھیر ہوگئی اور قومی ٹیم 20 اوورز میں 9 وکٹوں کے نقصان پر صرف 127 رنز بنا سکی۔ بھارت کو جیت کے لیے 128 رنز کا ہدف ملا ہے۔
میچ کے آغاز میں ہی صائم ایوب بغیر کوئی رن بنائے آؤٹ ہوگئے، اس کے بعد محمد حارث (3)، فخر زمان (17) اور کپتان سلمان علی آغا (3) بھی زیادہ دیر نہ ٹھہر سکے۔ حسن نواز اور صاحبزادہ فرحان نے کچھ مزاحمت کی لیکن کلدیپ یادیو نے دونوں کو آؤٹ کر کے پاکستانی بیٹنگ لائن کو جھنجھوڑ دیا۔
اختتامی لمحات میں شاہین آفریدی نے جارحانہ بیٹنگ کرتے ہوئے 16 گیندوں پر 33 رنز (4 چھکے) کی ناقابل شکست اننگز کھیلی اور اسکور کو سہارا دیا۔ بھارت کی جانب سے کلدیپ یادیو نے 3 جبکہ بمراہ اور اکشر پٹیل نے 2،2 وکٹیں حاصل کیں۔
