ایف بی آر نے انکم ٹیکس ریٹرن جمع کرانے کی آخری تاریخ میں توسیع نہ کرنے کا اعلان کیا ہے۔
اعلامیہ کے مطابق صرف شدید مجبوری کی صورت میں کمیٹی کی منظوری سے زیادہ سے زیادہ 15 دن کی توسیع دی جا سکتی ہے، تاہم واجب الادا ٹیکس 30 ستمبر 2025 تک جمع کرانا لازمی ہوگا۔
ایف بی آر نے واضح کیا کہ آئی آر ایس سسٹم بلاتعطل کام کر رہا ہے اور نئے سادہ ریٹرن فارم کے ذریعے آسانی سے ریٹرن فائل کیے جا سکتے ہیں۔
ادارے نے خبردار کیا کہ مقررہ تاریخ تک ریٹرن جمع نہ کرانے والوں کو لیٹ فائلر کا درجہ دیا جائے گا اور قانون کے مطابق جرمانے بھی ہوں گے۔
