جنوبی افریقا کے خلاف لاہور میں پہلے ٹیسٹ میچ میں 38 سالہ لیفٹ آرم اسپنر آصف آفریدی ٹیسٹ ڈیبیو کریں گے۔
پاکستان ٹیم مینجمنٹ نے پہلے ٹیسٹ کے لیے سات بیٹرز، دو ریگولر فاسٹ بولرز اور دو اسپنرز کے ساتھ میدان میں اترنے کا فیصلہ کیا ہے۔
آصف آفریدی ساجد خان کی وائرل فلو کے باعث ٹیم میں شامل ہوئے ہیں، جبکہ عبوری ہیڈ کوچ اظہر محمود بھی ان کے ڈیبیو کے حق میں ہیں۔
پاکستان کی ممکنہ الیون میں امام الحق، عبداللہ شفیق، شان مسعود (کپتان)، بابر اعظم، سعود شکیل، محمد رضوان (وکٹ کیپر)، سلمان علی آغا، شاہین شاہ آفریدی، حسن علی، نعمان علی اور آصف آفریدی شامل ہوں گے۔
میچ کل صبح 10 بجے شروع ہوگا۔
