دالبندین میں سکیورٹی فورسز نے فتنہ الہندوستان کے خلاف کامیاب کارروائی کرتے ہوئے 6 دہشت گردوں کو ہلاک کر دیا۔
سکیورٹی ذرائع کے مطابق دہشت گرد ایک پہاڑی غار میں پناہ لیے ہوئے تھے، جن پر فضائی نگرانی کے ذریعے مسلسل نظر رکھی جا رہی تھی۔ فورسز نے مناسب وقت پر کارروائی کرتے ہوئے ٹھکانے کو مؤثر انداز میں نشانہ بنایا۔
ذرائع نے بتایا کہ یہ کامیابی سکیورٹی فورسز اور خفیہ اداروں کے درمیان بہترین ہم آہنگی کا نتیجہ ہے۔
فورسز نے واضح کیا ہے کہ بلوچستان میں دہشتگردی کے مکمل خاتمے اور امن و امان کے قیام تک کارروائیاں جاری رہیں گی۔
