وفاقی ملازمین کے رہائشی کرایہ الاؤنس میں 85 فیصد اضافہ کردیا گیا ہے اور وزارتِ ہاؤسنگ نے اس کا باضابطہ نوٹیفکیشن بھی جاری کر دیا ہے۔ نیا اضافہ یکم نومبر 2025 سے نافذ ہوگا اور یہ شرح فنانس ڈویژن کی مشاورت سے طے کی گئی ہے۔
اضافہ بی ایس 1 سے 22 تک تمام وفاقی ملازمین پر لاگو ہوگا، جبکہ اس کا اطلاق ملک کے 6 مخصوص اسٹیشنز پر کیا جائے گا۔ بڑے شہروں میں بڑھتے ہوئے کرایوں کے تناظر میں یہ اضافہ سرکاری ملازمین کے لیے نمایاں ریلیف قرار دیا جا رہا ہے۔
وفاقی وزیر ہاؤسنگ میاں ریاض حسین پیرزادہ نے ملازمین کو مبارکباد دیتے ہوئے کہا کہ وزارت ہاؤسنگ ملازمین کی سہولت کے لیے پرعزم ہے۔
