واشنگٹن/تل ابیب: امریکی وزیر خارجہ مارکو روبیو نے اسرائیلی وزیر اعظم بنِیامین نیتن یاہو کے ساتھ پریس کانفرنس میں کہا ہے کہ صدر ڈونالڈ ٹرمپ اسرائیل کی غیر متزلزل حمایت پر قائم ہیں اور وہ چاہتے ہیں کہ غزہ کے تنازعے کا حل یرغمالیوں کی رہائی کے ساتھ مستقل طور پر دیکھا جائے۔ روبیو کا کہنا تھا کہ صدر ٹرمپ چاہتے ہیں کہ حماس کو اسی سطح پر ختم کیا جائے تاکہ وہ دوبارہ کسی کے لیے خطرہ نہ بن سکے اور غزہ کے عوام کے لیے بہتر مستقبل ممکن ہو۔
نیتن یاہو نے اس حمایت کا خیرمقدم کرتے ہوئے امریکی صدر کی تعریف کی اور روبیو کے دورے کو یہ واضح پیغام قرار دیا کہ امریکہ اسرائیل کے شانہ بشانہ کھڑا ہے۔ امریکی عہدیدار نے مغربی ملکوں کے تیزی سے فلسطینی ریاست تسلیم کرنے کے عمل پر خدشات بھی ظاہر کیے اور کہا کہ اس طرح کی حرکتیں حماس کو فائدہ پہنچا سکتی ہیں۔
