اسرائیلی میڈیا نے دعویٰ کیا ہے کہ ایران کے دارالحکومت تہران میں ہونے والے ایک فضائی حملے میں ایرانی وزیرِ انٹیلیجنس اسماعیل خطیب کو نشانہ بنایا گیا ہے۔
اسرائیل کے ٹی وی چینل 12 کے مطابق حملے کے نتائج کا جائزہ لیا جا رہا ہے اور فی الحال یہ واضح نہیں ہو سکا کہ اس میں کتنا نقصان ہوا یا ہدف کامیابی سے حاصل کیا گیا یا نہیں۔
دوسری جانب ایرانی حکام کی جانب سے اس واقعے پر تاحال کوئی باضابطہ ردعمل سامنے نہیں آیا۔
واضح رہے کہ ایران اور اسرائیل کے درمیان جاری کشیدگی کے دوران دونوں ممالک ایک دوسرے پر حملوں کے دعوے کر رہے ہیں، جس کے باعث خطے کی صورتحال مزید پیچیدہ ہوتی جا رہی ہے۔
